вторник, 22 июля 2014 г.

მჯდომარე სამუშაო კიბოს განვითარების რისკ-ფაქტორია

მჯდომარე სამუშაო კიბოს განვითარების რისკ-ფაქტორია

ავსტრალიელმა მეცნიერებმა აღმოაჩინეს, რომ ხანგრძლივი მჯდომარე სამუშაო

საგრძნობლად ზრდის მსხვილი და სწორი ნაწლავის კიბოს განვითარების რისკს, იტყობინება The Wall Street Journal.

მკვლევარებმა პერტა ნედლენდსის უნივერსიტეტიდან (დასავლეთ ავსტრალია) 2005- 2007 წლების მანძილზე შეაგროვეს მსხვილი და სწორი ნაწლავის კიბოს მქონე 918 პაციენტისა და 1021 ჯანმრთელი ადამიანის (საკონტროლო ჯგუფი) მონაცემები მათი სამუშაო პირობების, ცხოვრების წესისა და ფიზიკური აქტივობის შესახებ. 

მიღებული მონაცემების ანალიზმა აჩვენა, რომ იმ ადამიანებს, რომლებიც 10 წელი და მეტი დროის მანძილზე მჯდომარე სამუშაოთი იყვნენ დაკავებულნი, მსხვილი ნაწლავის ქვედა ნაწილების კიბოს განვითარების რისკი ორჯერ მეტი ჰქონდათ იმ მონაწილეებთან შედარებით, ვისაც ასეთ პირობებში არ უხდებოდა მუშაობა. სწორი ნაწლავის კიბოსთან მიმართებით ეს განსხვავება 44 პროცენტს შეადგენდა. მსხვილი ნაწლავის ზედა ნაწილების კიბოს განვითარება არ იყო დამოკიდებული პროფესიული მოღვაწეობის სახეობაზე.

ასევე აღმოჩნდა, რომ სპეციალობები, რომელიც უკავშირდება ყველაზე მეტ ფიზიკურ დატვირთვას 44%-ით ამცირებს მსხვილი ნაწლავის კიბოს განვითარების რისკს მცირე ფიზიკური დატვირთვის შესაბამის სპეციალობებთან შედარებით. არცერთი გამოვლენილი კანონზომიერება არ არის დამოკიდებული არასამუშაო ფიზიკურ აქტივობის დონეზე.
სტატია აღებულია საიტიდან www.medportal.ge

Комментариев нет:

Отправить комментарий