Е ვიტამინის სიჭარბე საშიშია პროსტატის კიბოს განვითარების რისკის თვალსაზრისით

Е ვიტამინის სიჭარბე საშიშია პროსტატის კიბოს განვითარების რისკის თვალსაზრისით

ამერიკელმა მეცნიერებმა დაადგინეს: ხანდაზმულ მამაკაცებს, რომლებიც
ყოველდღიურად დიდი რაოდენობით იღებენ ამ დანამატს (400 ერთ), 17%-ით მაღალი აქვთ პროსტატის კიბოს განვითარების რისკი შემდეგი შვიდი წლის განმავლობაში, წერს The Telegraph.

მკვლევარების ჯგუფი დოქტორ ერიკ კლაინის ხელმძღვანელობით ჩიკაგოს კლივლენდის კლინიკიდან შეეცადა დაემტკიცებინა ადრე ჩატარებული კვლევების შედეგები, რომელთა მიხედვითაც Е ვიტამინს და სელენს კიბოს განვითარების თავიდან აცილების უნარი გააჩნიათ. აღმოჩნდა, რომ სელენი არანაირად არ ახდენს გავლენას კიბოზე, ხოლო Е ვიტამინი კი, პირიქით, მავნე აღმოჩნდა.

მეცნიერებმა ჩაატარეს ექსპერიმენტი, რომლის დროსაც ისინი იყენებდნენ დოზას, რომელიც თითქმის 20-ჯერ აღემატებოდა დღიურ ნორმას (22 ერთეული). 50 წელს გადაცილებულ 3500 მამაკაცს აძლევდნენ ვიტმინურ დანამატებს ან პლაცებოს. იმ ჯგუფში, სადაც იღებდნენ ვიტამინურ დანამატს, ყოველი 1000 ადამიანიდან პროსტატის კიბო განვითარდა 76 შემთხვევაში. პლაცებოს ჯგუფში კი ეს მაჩვენებელი უტოლდებოდა 65-ს.

მიღებულ მონაცემებზე დაყრდნობით, ექსპერტები გვაფრთხილებენ: ადამიანები უფრო სკეპტიკურად უნდა მიუდგნენ ვიტამინური დანამატების მიღებას. მართალია, მოცემული ვიტამინი ჩვეულებრივ შედის მულტიკომპლექსური ვიტამინების შემადგენლობაში, მკვლევარები საეჭვოდ მიიჩნევენ მის საოცარ თვისებებს. თუმცა, უნდა გვახსოვდეს, რომ Е ვიტამინის დეფიციტს შეუძლია გამოიწვიოს კუნთებთან დაკავშირებული პრობლემების განვითარება.

სტატია აღებულია საიტიდან www.medportal.ge