Glaxo-ს ადამიანის პაპილომავირუსის ვაქცინა ქალებს ანალური კიბოს განვითარებისგან იცავს

Glaxo-ს ადამიანის პაპილომავირუსის ვაქცინა ქალებს ანალური კიბოს განვითარებისგან იცავს

კოსტა რიკაში ჩატარებული ქალების ფართომაშტაბიანი კვლევის შედეგების მიხედვით,

Glaxo-ს ადამიანის პაპილომავირუსის ვაქცინა ქალებს ანალური კიბოს განვითარებისგან იცავს. საშვილოსნოს ყელის კიბოს საწინააღმდეგო ვაქცინამ (HPV) პროტექტორული უნარი გამოავლინა ანალური კიბოს მიმართ.

კვლევა ჩატარდა ჯანდაცვის ნაციონალური ინსტიტუტის მიერ. გამოყენებული იყო GlaxoSmithKline s Cervarix ვაქცინა, რომელიც პროტექტორულ თვისებას ავლენს ადამიანის პაპილომავირუსის (HPV) მე-16 და მე-18 შტამების მიერ ინიცირებული ინფექციების მიმართ.

ვაქცინა პრევენციული მნიშვნელობისაა საშვილოსნოს ყელის კიბოსთვის, რომელიც ქალებში მეორე ყველაზე გავრცელებულ კიბოს წარმოადგენს მთელ მსოფლიოში. HPV-ის სხვადასხვა შტამი, ასევე, იწვევს ანალური, მამაკაცის სასქესო ორგანოს, თავისა და კისრის კიბოს განვითარებას.

კვლევისთვის მეცნიერებმა გააანალიზეს 18-25 წლის 4 210 ჯანმრთელი ქალის ანალური ქსოვილის ნიმუშები. მათ ნახევარს გაკეთებული ჰქონდა ვაქცინის სამი დოზა, ხოლო მეორე ნახევარს – პლაცებო ვაქცინა. ოთხი წლის შემდეგ ქალებს ჩაუტარდათ ტესტირება ანალური და საშვილოსნოს ყელის HPV 16 და 18 ინფექციებზე.

აღმოჩნდა, რომ ვაქცინით მოხდა HPV-ით გამოწვეული ანალური კიბოს 62%-ის და საშვილოსნოს კიბოს 77%-ის პრევენცია.

ქალებში, რომლებსაც ადრე არ აღენიშნებოდათ HPV- დაინფიცირება, ვაქცინის პრევენციული უნარი ანალური კიბოსთვის შეესაბამებოდა 84%-ს და საშვილოსნოს ყელის კიბოს - 89%-ს.

დოქტორი ეიმ კრეიმერი (Aimee Kreimer) ჟურნალ “Lancet Oncology”-ში გამოქვეყნებულ სტატიაში აღნიშნავს, რომ კვლევამ დაადასტურა ვაქცინის გამოხატული პროტექტორული უნარი ანალური ინფექციის მიმართ.

სტატია აღებულია საიტიდან www.medportal.ge